kanski von ?

Áform um byggingu Olíuhreinsunarstöðvar í Arnarfirði hafa ekkert breyst í ljósi efnahagsástandsins nema síður sé að sögn forsvarsmanna verkefnisins. Að sögn Hilmars Foss, talsmanns félagsins Íslensks hátækniiðnaðar sem áformar að byggja Olíuhreinsunarstöð á Íslandi, segir efnahagsástandið hér á landi og í heiminum öllum ekki breyta neinu um áform félagsins. Hann segir að vissulega hafi hægt á undirbúningi vegna kreppunnar og óvissu á fjármagnsmarkaði. Því haldi menn að sér höndum um stundarsakir varðandi fjármögnun verkefnisins en snúi sér að öðrum verkum varðandi undirbúning á meðan.

Hann líkir því við að þegar rignir þá sé ekki hægt að mála utanhúss en þá sé hægt að snúa sér að því að grafa skurð eða eitthvað annað á meðan. Hilmar segir þörfina fyrir eldsneyti vera til staðar hvað sem öðrum kreppum líði og olíuhreinsunarstöð eigi því ekki minni rétt á sér nú en í góðærinu. Hann vill hinsvegar ekkert segja um neinar tímasetningar og sem fyrr er því haldið leyndu hverjir samstarfsaðilar Íslensks hátækniiðnaðar eru. "tekið beint af BB.is "

  Kanski verður Vestfjarðakjálkinn sá landshluti sem kemur Íslandi aftur á alheims kortið.