Ákvörðun tekin í ár.

Frá Hvestu í Arnarfirði.

Hilmar Foss, talsmaður Íslensks hátækniiðnaðar, telur líklegt að ákvörðun um olíuhreinsunarstöð við Arnarfjörð verði tekin í ár. Hann segir að þar með yrði Ísland komið í hóp olíuframleiðsluríkja. Hilmar vill ekki gefa upp hvaða fyrirtæki standi að baki olíuhreinsunarstöðinni, það sé viðskiptaleyndarmál. Ljóst sé þó hvaðan olían komi, úr hafinu norður af Rússlandi. Losunarkvótar Kyoto bókunarinnar eigi ekki að setja strik í reikninginn enda fellur bókunin úr gildi árið 2012 áður en stöðin tæki til starfa.